“Türkiyə və Ermənistanın xüsusi nümayəndələri arasında iclasın keçirilməsi ilə bağlı qərar var, lakin görüşün tarixi və yeri hələ müəyyən edilməyib”.
Senzor.az erməni mətbuatına istinadən bildirir ki, bunu jurnalistlərə açıqlamasında Ermənistan-Türkiyə münasibətlərinin normallaşdırılması üzrə İrəvanın xüsusi nümayəndəsi Ruben Rubinyan deyib.
Xatırladaq ki, Antalyada keçirilən forumda Ermənistan-Türkiyə münasibətlərinin normallaşdırılması üzrə Türkiyənin xüsusi nümayəndəsi Serdar Kılıç növbəti görüşün İrəvanda keçirilməsini təklif etmişdi.
