Yaz mövsümü ilə əlaqədar Bakı Şəhər İcra Hakimiyyəti (BŞİH) tərəfindən şənbə günü, aprel ayının 20-də paytaxtda ümumşəhər iməciliyi və ağacəkmə aksiyası keçiriləcək.
Senzor.az bildirir ki, bu barədə BŞİH-in Mətbuat xidmətindən məlumat verilib.
Qeyd olunub ki, Bakı Şəhər İcra Hakimiyyəti bununla bağlı müraciətində paytaxt sakinlərini, müəssisə, idarə və təşkilatların kollektivlərini, həmçinin sahibkarları və özəl sektorda çalışanları bu iməcilikdə fəal iştirak etməyə çağırır.
Bununla da hər kəs paytaxt Bakının daha da gözəlləşməsinə öz töhfəsini vermiş olacaq.
