Türkiyə Prezidenti Rəcəb Tayyib Ərdoğanın Almaniya Kansleri Olaf Şolz ilə telefon danışığı olub.“Anadolu” agentliyi bildirir ki, bu barədə Türkiyə Prezident Administrasiyasından məlumat verilib.
Söhbət zamanı Türkiyə-Almaniya əlaqələrinin yaxşılaşdırılması istiqamətində atılan addımlar və regional məsələlər müzakirə edilib.
Ərdoğan Almaniya Kansleri Şolzu andiçmə mərasimi münasibətilə təbrik edib.
Yeni dövrdə iki ölkə arasında sağlam düşüncə və strateji baxışın hökmranlıq edəcəyinə inandığını ifadə edən Ərdoğan, yaxın koordinasiya və müntəzəm təmasların faydalı olacağını vurğulayıb.
