Türkiyədə bu gündən yeni növ koronavirus infeksiyasına (COVID-19) qarşı istehsal olunan TURKOVAC peyvəndinin kütləvi tətbiqinə başlanılır.Senzor.az yerli KİV-ə istinadən bildirir ki, bu barədə Türkiyənin səhiyyə naziri Fahrettin Koca məlumat verib.
Dekabrın 29-da TURKOVAC vurduran nazir əminliklə bildirib ki, tamamilə yerli istehsal olan milli peyvənd koronavirus infeksiyasından qorunmaq üçün güclü təsirə malik vaksindir.
Qeyd edək ki, Türkiyədə ən son peyvənd 1978-ci ildə vərəm əleyhinə istehsal olunmuşdu. Əlli illik fasilədən sonra qısa zaman kəsiyində TURKOVAC peyvəndinin hazırlanması böyük yenilikdir.
Bu barədə dekabrın 22-də açıqlamasında Sinovac və Biontech peyvəndlərindən sonra TURKOVAC vaksinin də vətəndaşlara təqdim ediləcəyini deyən Türkiyə Prezidenti Rəcəb Tayyib Ərdoğan TURKOVAC-ı bütün bəşəriyyətlə bölüşməkdən məmnun olacaqlarını ifadə edib.
