Dövlət büdcəsindən ayrılmış vəsait hesabına işlərin və xidmətlərin göstərilməsinə görə əlavə dəyər vergisindən (ƏDV) azad olunan publik hüquqi şəxslərin siyahısında dəyişiklik edilib.Senzor.az bildirir ki, bununla bağlı Prezident İlham Əliyev fərman imzalayıb.
Fərmana əsasən, dövlət büdcəsindən ayrılmış vəsait hesabına işlərin və xidmətlərin göstərilməsinə görə ƏDV-dən azad olunan publik hüquqi şəxslərin siyahısına Azərbaycan Respublikasının Minatəmizləmə Agentliyi (ANAMA) də daxil edilib.
Bu fərman 2021-ci il oktyabrın 15-dən tətbiq edilir.
