Azərbaycan Mərkəzi Bankı (AMB) uçot dərəcəsini 25 faiz bəndi - 7,5%-dək artırıb. Senzor.az bildirir ki, bu barədə AMB-nin sədri Elman Rüstəmov bu gün keçirdiyi mətbuat konfrasında məlumat verib.
Onun sözlərinə görə, faiz dəhlizinin aşağı həddi 6% səviyyəsində saxlanılıb, yuxarı həddi isə 8,25%-dən 9%-ə qaldırılıb.
AMB tərəfindən uçot dərəcəsi 2021-ci ilin payızından etibarən ardıcıl olaraq 4-cü dəfədir artırılır.
Bu qərar bu gündən-yanvarın 28-dən qüvvəyə minib.
E.Rüstəmov onu da deyib ki, bu il Azərbaycanda illik inflyasiyanın hədəf diapozonundan (2-6%) yuxarı - 6,6-7,5% təşkil edəcəyi gözlənilir: "Gələn il isə illik inflyasiyanın hədəf diapazonuna yaxın olacağını proqnozlaşdırırıq".
Xatırladaq ki, ötən il ölkədə qiymətlər orta hesabla 6,7% artıb.
