Rusiya Vahid Regional Hava Hücumundan Müdafiə Sistemiqüvvələrinin yoxlanılmasında iştirak edəcək çevik reaksiya bölmələrini Belarusa yerləşdirməyə davam edir.
Senzor.az yerli KİV-ə istinadən bildirir ki, bu barədə Rusiya Müdafiə Nazirliyindən məlumat verilib.
Məlumata görə, Şərq Hərbi Dairəsinin “Pantsir-S” zenit raket-top diviziyonu növbəti dəmiryolu eşelonu ilə məntəqəyə çatdırılıb.
Müdafiə Nazirliyinin yaydığı videodan görünür ki, diviziyonun tərkibinə hər biri 12 zenit raketi daşıya bilən 12 döyüş maşını daxildir.
Yüklər boşaldılandan sonra Rusiya hərbçiləri Belarus və Rusiyanın Vahid Regional Hava Hücumundan Müdafiə Sisteminin tərkibində dislokasiya zonasına marş edəcək, mövqe tutacaq və təlim-döyüş növbətçiliyini yerinə yetirəcəklər.
