Prezident İbrahim Rəisinin rəhbərlik etdiyi Koronavirusa qarşı Milli Mübarizə Qərargahının tövsiyəsi ilə İran parlamenti işini dayandırıb.Senzor.az yerli KİV-ə istinadən bildirir ki, səbəb 47 deputatın koronavirusa yoluxmasıdır.
Parlamentin nümayəndəsi Nizam Müsəvi də bildirib ki, belə vəziyyətdə parlament öz işini davam etdirə bilməz. Bütün üzvlərin xəstələnməməsi üçün parlament müvəqqəti olaraq işini dayandırmalıdır. Onun sözlərinə görə, 47 parlament üzvü ilə yanaşı, parlament aparatının 30 nəfər əməkdaşı da virusa yoluxub.
Parlamentin işinin nə vaxt bərpa ediləcəyi isə hələlik məlum deyil. Bəzi parlament üzvləri vəziyyətin sabitləşməsinin gözləmək lazım olduğunu bildirirlər.
Xatırladaq ki, son bir neçə gün ərzində İranda koronavirusun “Omikron” ştamı daha çox yayılıb. Bununla əlaqədar İranın 15 şəhəri yenidən “qırmızı zona”ya daxil edilib.
