Türkiyə Prezidenti Rəcəb Tayyib Ərdoğan Ukraynada Kırım tatarları ilə görüşüb.Senzor.az Türkiyə KİV-lərinə istinadən bildirir ki, “Borispol” hava limanındakı qəbulda nümayəndə heyətinə Kırım tatar türk xalqının milli lideri Mustafa Əbdülcəmil Kırımoğlu rəhbərlik edib.
Qəbulda Türkiyənin xarici işlər naziri Mövlud Çavuşoğlu, ətraf mühit, şəhərsalma və iqlim dəyişikliyi naziri Murad Kurum, Türkiyə Prezident Administrasiyasının Kommunikasiya İdarəsinin rəhbəri Fahrettin Altun və Prezident Administrasiyasının sözçüsü İbrahim Kalın iştirak ediblər.
**11:57
“Ukraynada keçirəcəyim görüşlərdə Krım tatarlarının vəziyyətini də müzakirə edəcəm”. Senzor.az bildirir ki, bunu Türkiyə Prezidenti Rəcəb Tayyib Ərdoğan Ukraynaya yola düşməmişdən əvvəl hava limanında jurnalistlərə açıqlamasında deyib.
Onun sözlərinə görə, son illərdə Türkiyə-Ukrayna əlaqələri hərtərəfli şəkildə inkişaf edib. Dövlət başçısı vurğulayıb ki, inkişaf əsasən ticarət, sərmayə, turizm və müdafiə sənayesi sahələrində qeydə alınıb: "Bölgədə yaşanan hadisləri izləyirik. Ukraynanın ərazi bütövlüyünü dəstəklədiyimzi bütün platformalarda bildiririk".
