“Belarus İranla istənilən məsələni - ərzaq tədarükü sahəsində əməkdaşlıqdan tutmuş hərbi-texniki sahəyə qədər müzakirə etməyə hazırdır”.
Senzor.az yerli KİV-ə istinadən bildirir ki, bunu Belarus Prezidenti Aleksandr Lukaşenko avqustun 20-də İran Prezidenti Məsud Pezeşkianla görüşündə deyib.
“Biz istənilən məsələni müzakirə etməyə hazırıq, bizim qapalı mövzumuz yoxdur”, - Belarus lideri qeyd edib.
Lukaşenko Belarusun İranla bütün sahələrdə - ərzaq tədarükündən tutmuş hərbi-texniki əməkdaşlığa qədər əməkdaşlığa hazır olduğunu vurğulayıb: “Burada heç bir sirr yoxdur. Dostluğumuz heç kimə qarşı deyil, biz hər şeyi iki ölkənin xalqlarının mənafeyi üçün edirik”.
