“Ukrayna Prezidenti Volodimir Zelenski ərazilər məsələsini müzakirə etməyə hazırdır, amma bu, yalnız Rusiya lideri Vladimir Putinlə görüşdə mümkündür”.
Teleqraf xəbər verir ki, bunu Ukrayna xarici işlər nazirinin birinci müavini Sergey Kislisiya deyib.
“Ərazi məsələləri barədə danışırıqsa, Prezident Zelenski Prezident Putinlə oturub onları müzakirə etməyə hazır olduğunu açıq şəkildə bildirib. Ərazi məsələsi ilə bağlı danışıqların başlanğıcı hazırkı təmas xətti üzrə ola bilər”, - o vurğulayıb.
Kislisiya əlavə edib ki, Zelenski ərazilər məsələsində həm Ukraynanın mövcud qanunvericiliyini, həm də ictimai rəyi rəhbər tutur: “Ukrayna cəmiyyəti də ərazilərimizin sülhlə dəyişdirilməsinin qəti əleyhinədir”.
