ABŞ ordusu hadisələrin necə inkişaf etməsindən asılı olmayaraq Ukraynaya göndərilməyəcək.Bunu ABŞ Prezidenti Cozef Bayden bəyan edib.
Bayden əlavə edib ki, ABŞ vətəndaşlarının təxliyəsi üçün Ukraynaya Amerika qoşunları göndərilməyəcək: “Əgər amerikalılar və ruslar bir-birinə atəş açsalar, o zaman dünya müharibəsi başlayacaq”.
Bayden Ukraynadakı amerikalıları dərhal ölkəni tərk etməyə çağırıb: “Amerika vətəndaşları indi getməlidir”.
O, Rusiya Prezidenti Vladimir Putinin Ukrayna ətrafında vəziyyətin kəskin şəkildə gərginləşəcəyi təqdirdə amerikalılara zərər verəcək hərəkətlərdən qaçmaq üçün kifayət qədər ağıllı olduğuna əmin olduğunu bildirib.
“Report” xatırladır ki, Amerika vətəndaşlarının mövcud olan bütün nəqliyyat vasitələri ilə Ukraynanı tərk etməli olduqları barədə ABŞ Dövlət Departamenti də bəyanat yayıb.
