Dünya birjalarında neft qiymətləri bahalaşıb.Senzor.az bildirir ki, Londonun ICE (“InterContinental Exchange Futures”) birjasında “Brent” markalı neftin bir barelinin qiyməti 3,03 dollar artaraq 94,44 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti isə 3,22 dollar bahalaşaraq 93,10 dollar olub.
Dünya bazarında Azərbaycan nefti də bahalaşıb. Belə ki, "Azeri Light" (CIF) markalı neftin 1 barelə olan qiyməti 0,52 ABŞ dolları və ya 0,53% artaraq 98,75 dollar təşkil edib.
Qeyd edək ki, Azərbaycanın builki dövlət büdcəsində bir barel neftin orta qiyməti 50 ABŞ dolları götürülüb.
