HƏMAS və İsrail girov və məhbusları sabah – oktyabrın 13-də səhər azad etməyə başlayacaqlar.

Bu barədə “The Times of Israel” məlumat yayıb.

Oktyabrın 9-da əldə olunmuş razılaşmaya əsasən, İsrail Ordusu 24 saat ərzində hərbi birləşmələrin Qəzzadan çıxarılmasını yekunlaşdırmalıdır. HƏMAS isə İsrail qoşunlarının Qəzzadan çıxarılmasından 72 saat sonra israilli girovları azad etməli, meyitlərini təhvil verməlidir. İsrailli girovların 20-nin sağ olduğu bildirilir.

İsrail Ordusu cümə günü günortaya qədər Qəzzadan geri çəkilməni yekunlaşdırıb və 72 saatlıq müddət başlayıb.

Onu da xatırladaq ki, İsrail 2000-ə qədər fələstinli məhbusu azad etməlidir.