İranın Ali Milli Təhlükəsizlik Şurasının katibi Möhsün Rzayi bildirib ki, ABŞ-ın Tehrana qarşı iqtisadi əməliyyatına qoşulacaq qonşu ölkələrin maraqları İranın hədəfinə çevriləcək.

Bu barədə Rzayiyə istinadən İranın dövlət televiziyası məlumat yayıb.

“Biz münaqişəni genişləndirməyə çalışmırıq. Lakin İranı əhatə edən ölkələr ABŞ-ın Tehrana qarşı iqtisadi müharibəsinə qoşularsa, onların maraqlarına zərbə vuracağıq”, - deyə Rzayi bildirib.

Qeyd edək ki, daha əvvəl ABŞ Prezidenti Donald Tramp İrana qarşı genişmiqyaslı iqtisadi əməliyyatın başladığını açıqlayıb.