Rusiya Prezidenti Vladimir Putin Kremldə Rusiya Federasiyası Təhlükəsizlik Şurasının növbədənkənar geniş iclasını keçirir.
Senzor.az yerli KİV-ə istinadən bildirir ki, iclasın əsas mövzusu Donbasdakı vəziyyətdir.
“Biz sizinlə Donbasda bu gün yaranan vəziyyəti müzakirə etmək üçün toplaşmışıq. Mən əvvəlcə qısaca orada baş verənləri, vəziyyətin necə inkişaf etdiyini xatırladacağam. Baxmayaraq ki, siz artıq bütün bunları çox yaxşı bilirsiniz...”, - deyə Putin iclasdakı çıxışına başlayıb.
**13:42
Rusiya Prezidenti Vladimir Putin bu gün Təhlükəsizlik Şurasının iclasını keçirəcək.
TASS bildirir ki, bu barədə Rusiya Prezidentinin mətbuat katibi Dmitri Peskov məlumat verib.
O qeyd edib ki, söhbət Təhlükəsizlik Şurasının daimi üzvlərinin iclasından deyil, böyük iclasdan gedir.
Onun sözlərinə görə, iclasda dövlət başçısı çıxış edəcək, həmçinin digər tədbir iştirakçılarının hesabatları təqdim ediləcək.
Bununla belə, o, tədbirin mövzusu barədə məlumat verməyib.
