İsrailin Somaliləndi tanıması yeni münaqişələrə səbəb ola bilər.
Senzor.az Türkiyə mediasına istinadən bildirir ki, bunu Efiopiyada rəsmi səfərdə olan Prezident Rəcəb Tayyib Ərdoğan Efiopiya Baş naziri Abiy Ahmed ilə birgə mətbuat konfransında çıxışı zamanı deyib.
O qeyd edib ki, Afrika Buynuzu xarici güclərin mübarizə meydanı olmamalıdır.
“Türkiyə olaraq bölgənin onsuz da kifayət qədər yaşadığı münaqişələrə yenilərinin əlavə olunmasını əsla istəmirik. Bölgənin problemlərinə region ölkələrinin həll yolu tapmalı olduğuna inanırıq. Bu səbəbdən İsrailin Somaliləndi tanımasının nə Somaliləndə, nə də Afrika Buynuzuna fayda verəcəyini vurğulamaq istəyirəm”, - deyə Ərdoğan qeyd edib.
