Tacikistan Prezidenti Emoməli Rəhmonun göstərişi ilə İrana humanitar yardım göndərilib.
Senzor.az yerli KİV-ə istinadən bildirir ki, bu barədə Tacikistan Xarici İşlər Nazirliyi məlumat yayıb.
Məlumata görə, İrana göndərilən yardımın ümumi həcmi 3 610 ton təşkil edir.
Humanitar yükə 45 ton dərman preparatları, böyük həcmdə sanitar-gigiyenik vasitələr, uşaq geyimləri, müxtəlif qida məhsulları, məişət əşyaları, yataq dəstləri, çadırlar, tikinti materialları və digər zəruri ləvazimatlar daxildir.
110 iritonnajlı yük avtomobilindən ibarət konvoy martın 18-də Tacikistandan yola düşüb və yaxın vaxtlarda təyinat nöqtəsinə çatacağı gözlənilir.
