Ermənistan və Rusiya hərbi-texniki sahədə əldə edilmiş razılaşmaların icrasını davam etdirməklə bağlı razılığa gəliblər.
"Sputnik Ermənistan" xəbər verir ki, bunu Ermənistanın Baş naziri Nikol Paşinyan hökumətin iclasından sonra keçirdiyi brifinqdə deyib.
"Rusiya ilə hərbi-texniki əməkdaşlığımız var idi, bu əməkdaşlıq müəyyən bir mərhələdə əhəmiyyətli dərəcədə azalmış və ya dayandırılmışdı", - Paşinyan xatırladıb.
Baş nazirin sözlərinə görə, Moskvaya səfər və Rusiya Prezidenti Vladimir Putinlə görüş çərçivəsində hərbi-texniki əməkdaşlıqla bağlı əvvəllər əldə edilmiş razılaşmaların yerinə yetirilməsi barədə razılıq əldə edilib.
