Aprelin 22-24-də Astanada keçirilən Beynəlxalq Yaşıl Texnologiyalar və Davamlı Həllər Sərgisi – “RES 2026 EXPO” builki Regional Ekoloji Sammit çərçivəsində təşkil edilən regionun ən böyük davamlı inkişaf tədbirlərindən biridir.
Senzor.az yerli KİV-ə istinadən bildirir ki, sərgi ekologiya və yaşıl iqtisadiyyat sahəsində praktik həlləri müzakirə və tətbiq etmək üçün dövlət qurumlarını, biznesləri, investorları, beynəlxalq təşkilatları, elmi və ekspert icmasını bir araya gətirən peşəkar platforma rolunu oynayır.
Tədbirdə 30 ölkədən 300-dən çox şirkət, 1500-dən çox nümayəndə və 20 mindən çox peşəkar ziyarətçi iştirak edir.
Sərgi Qazaxıstan Ekologiya və Təbii Sərvətlər Nazirliyi tərəfindən Beynəlxalq Yaşıl Texnologiyalar və İnvestisiya Layihələri Mərkəzinin dəstəyi ilə təşkil olunur. “BusinessFirst” tədbirin operatoru qismində çıxış edir.
“RES 2026 EXPO” sərgisinin açılış mərasimində dövlət qurumlarının, beynəlxalq təşkilatların rəhbərləri, rəsmi nümayəndə heyətləri, sammitin və sərginin fəxri qonaqları iştirak ediblər.
Mərasim zamanı yaşıl iqtisadiyyatın inkişafına, ətraf mühit sahəsində əməkdaşlığın gücləndirilməsinə və əməkdaşlıq üçün yeni mexanizmlərin yaradılmasına yönəlmiş beynəlxalq memorandumlar və sazişlər imzalanıb.
İşgüzar proqrama iqlim gündəliyi, karbonsuzlaşdırma, ESG, investisiyalar və davamlı texnologiyaların tətbiqinə həsr olunmuş 30-dan çox panel sessiyası daxildir.
[media=[media=https://www.youtube.com/watch?v=2appSqd1de8]]
