Ukrayna lideri Volodimir Zelenski 8-ci Avropa Siyasi Birliyi Sammitində iştirak etmək üçün Ermənistana səfər edəcək.
Modern.az xəbər verir ki, Ermənistan Xarici İşlər Nazirliyi Zelenskinin səfəri ilə bağlı məlumatları hələ ki məxfi saxlamağa çalışır.
Qeyd olunur ki, 4 mayda keçiriləcək sammitdə dövlət və ya qurum başçılarını təmsil edən təxminən 50 yüksək səviyyəli nümayəndə heyəti Ermənistana gələcək.
İlk Ermənistan-AB sammiti də 4-5 mayda İrəvanda keçiriləcək. Ermənistanı Baş nazir Nikol Paşinyan, Avropa Birliyini isə Avropa Şurasının prezidenti Antonio Kosta və Avropa Komissiyasının prezidenti Ursula fon der Lyayen təmsil edəcək.
Fransa Prezidenti Emmanuel Makron da 5 mayda Ermənistana səfər edəcək.
