Avropa İttifaqı (Aİ) 2011-ci ildən dondurulmuş vəziyyətdə qalan Suriya ilə Tərəfdaşlıq Sazişini yenidən bərpa edib.
“Teleqraf” xəbər verir ki, bu barədə Aİ Şurasının bəyanatında deyilir.
“Bu gün Aİ Şurası Suriya ilə Tərəfdaşlıq Sazişinin müvəqqəti dayandırılmasına son qoyulması barədə qərar qəbul edib”, - bəyanatda qeyd olunur.
Sənəddə vurğulanır ki, sazişin fəaliyyəti 2011-ci ildə insan hüquqlarının pozulması ittihamları səbəbindən keçmiş prezident Bəşər Əsədin rəhbərliyindəki Suriya hakimiyyətinə qarşı tətbiq edilən Aİ sanksiyaları çərçivəsində dayandırılmışdı. Suriya vətəndaş müharibəsi dövründə Aİ Əsəddən hakimiyyəti yeni demokratik administrasiyaya təhvil verməsini tələb edirdi.
