Belarus xüsusi təyinatlıları Ukraynaya qarşı hərbi əməliyyatlarda iştirak etməkdən imtina edib.Bu barədə Ukrayna Silahlı Qüvvələrinin Baş Qərargahı bu gün-martın 14-də məlumat yayıb.
Bununla belə, Ukrayna Milli Təhlükəsizlik və Müdafiə Şurasının katibi Aleksey Danilov Belarus Respublikası ordusunun Ukraynaya qarşı müharibədə iştirak təhlükəsinin qaldığını bildirib. Onun sözlərinə görə, Prezident Aleksandr Lukaşenko hələ də Belarus ordusunu döyüşə atmağa cəsarət etmir.
Modern.az xatırladır ki, Ukrayna Silahlı Qüvvələrinin Baş Qərargahı dünən Belarus hərbi rəhbərliyinin Ukrayna ilə sərhədin mühafizəsini gücləndirmək üçün tədbirlər görməkdə davam etdiyini bildirmişdi.
