Lerikdə torpaq sürüşməsi yenidən aktivləşib."Report"un verdiyi xəbərə görə, rayonun Ordahal və Veri-Əliabad kəndlərində torpaq sürüşmələri baş verib. Nəticədə Veri-Əliabad kəndində 6, Ordahalda isə 4 ev üçün təhlükə yaranıb. Veri-Əliabad kəndi ərazisində əvvəllər də bir neçə dəfə torpaq sürüşmələri baş verib, Ordahaldakı sürüşmə sahəsi isə yeni aktiv ərazi hesab olunur.
Hadisə ilə bağlı rayonun Fövqəladə hallar üzrə komissiyası məlumatlandırılıb.
Sabah Ekologiya və Təbii Sərvətlər Nazirliyinin mütəxəssailəri əraziyə baxış keçirəcəklər.
Qeyd edək ki, torpaq sürüşmələrinə səbəb son zamanlar yağıntının miqdarının normadan çox olmasıdır.
