Pakistanın Nazirlər Kabineti buraxılıb, lakin baş nazir İmran Xan vəzifəsini davam etdirəcək.Senzor.az yerli KİV-ə istinadən bildirir ki, bu barədə ölkənin dövlət informasiya və yayım naziri Fərrux Həbib öz “Tvitter” səhifəsində məlumat verib.
"Baş nazir konstitusiyanın 224-cü maddəsinə uyğun olaraq öz vəzifələrini yerinə yetirməyə davam edəcək, Nazirlər Kabineti buraxılıb", - nazir yazıb.
Pakistan Prezidenti Arif Alvi isə Baş nazir İmran Xanın təklifi ilə Milli Assambleyanı (parlamentin aşağı palatası – red.) buraxıb.
Qeyd edək ki, Pakistan parlamenti Baş nazirə etimadsızlıq təklifini rədd edib. Müzakirədə səsvermənin konstitusiya pozuntusu olacağı bildirilib.
