Rusiyanın Ukraynada apardığı müharibə ilə əlaqədar paytaxt Kiyevdən Çernovtsı şəhərinə köçən Türkiyə səfirliyi yenidən fəaliyyətini bərpa edib."Haber Global"ın məlumatına görə, Rusiyanın Kiyev yaxınlığından çəkilməsindən sonra səfirliyin bütün əməkdaşları Kiyevə qayıdıblar.
Qeyd edək ki, Türkiyə Kiyevi tərk edən sonuncu səfirlik olub. Bu gün isə Kiyevin mühasirəsi yarılandan sonra şəhərə qayıdan ilk səfirlik sayılır.
Sabahdan etibarən səfirlik işini sürətləndirəcək. Personal paytaxta geniş təhlükəsizlik tədbirləri altında gəlib.
