Fransadan Ukraynaya xüsusi texniki və elmi heyətdən ibarət jandarmlar gəlib. Jandarm dəstəsi Kiyev yaxınlığındakı yaşayış məntəqələrində Rusiya ordusunun törətdiyi hərbi cinayətləri araşdıracaq.Senzor.az yerli KİV-ə istinadən bildirir ki, bu barədə Fransanın Ukraynadakı səfiri Etye de Ponsen sosial şəbəkələrdə məlumat yayıb.
Qeyd olunur ki, fransız mütəxəssislər aprelin 11-də Lvova gəliblər. Onlar aprelin 12-də Ukraynada törədilən hərbi cinayətləri araşdırmağa başlayacaqlar.
“Kiyev ətrafında törədilmiş hərbi cinayətlərin araşdırılmasında ukraynalılara kömək etməyə gələn texniki və elmi jandarm dəstəsini Lvovda salamlamaqdan qürur duyuruq. İlk olaraq bu cür yardımı edən Fransa oldu. Sabah onlar iş başında olacaqlar”, - səfir vurğulayıb.
