“Mahmud Abbasın rəhbərlik etdiyi Fələstin Muxtariyyəti İsrailin hərbi əməliyyatından sonra Qəzza zolağına rəhbərlik etmək üçün məsuliyyəti öz üzərinə götürmək iqtidarında deyil”.

Senzor.az yerli KİV-ə istinadən bildirir ki, bunu İsrailin baş naziri Benyamin Netanyahu deyib.

“Düşünürəm ki, Fələstin Muxtariyyəti indiki formada Qəzza zolağına görə məsuliyyəti öz üzərinə götürə bilməz”, -deyə o bildirib.

Netanyahu əlavə edib ki, İsrail ordusu anklav uğrunda döyüşdükdən sonra Qəzzaya nəzarəti Abbasa təhvil vermək qeyri-mümkündür: “Mahmud Abbas oktyabrın 7-də HƏMAS-ın silahlı qanadından olan radikalların İsrailə qarşı həyata keçirdiyi hücumu hələ də pisləməyib”.