ABŞ, Kanada və Meksikanın birgə ev sahibliyi etdiyi futbol üzrə dünya çempionatının 1/8 final mərhələsinin bütün cütləri müəyyənləşib.

Senzor.az bildirir ki, bu mərhələdə üz-üzə gələcək bütün komandaların adlarına 1/16 finalın axırıncı - Kolumbiya və Qana millilərinin qarşılaşmasından sonra aydınlıq gəlib. Kanzas stadionunda keçirilən həmin matçda Cənubi Amerika təmsilçisi minimal hesablı qələbə qazanıb - 1:0. 

Bununla da mundialın 1/16 final mərhələsinin oyunlarına yekun vurulub və 1/8 final mərhələsinin bütün cütləri rəsmən bəlli olub.

Beləliklə, bu mərhələdə aşağıdakı qarşılaşmalar keçiriləcək:

4 iyul

21:00. Kanada – Mərakeş

5 iyul

01:00. Paraqvay – Fransa

6 iyul

00:00. Braziliya – Norveç

04:00. Meksika – İngiltərə

23:00. Portuqaliya – İspaniya

7 iyul

04:00. ABŞ – Belçika

20:00. Argentina - Misir

8 iyul

00:00. İsveçrə – Kolumbiya

Qeyd edək ki, ilk dəfə 48 komandanın iştirak etdiyi bu dünya çempionatı iyulun 19-da başa çatacaq.