Bu gün Türkiyədə ana müxalifət partiyasının növbədənkənar qurultayı keçirilir.
Senzor.az yerli KİV-ə istinadən bildirir ki, qurultayda Cümhuriyyət Xalq Partiyasının (CHP) başqanı postuna seçki olub.
Səsvermə nəticələrinə görə, Özgür Özel 1171 səslə yenidən CHP sədri seçilib.
**13:59
Türkiyədə ana müxalifət partiyasının növbədənkənar qurultayında sədr postuna bir namizəd olacaq.
Senzor.az yerli KİV-ə istinadən bildirir ki, Cümhuriyyət Xalq Partiyasının (CHP) sədri postuna namizəd olacağını açıqlayan sabiq millət vəkili Berhan Şimşek qurultay nümayəndələrindən yetərli imza toplaya bilmədiyi üçün namizəd olmayıb.
Bundan əvvəl isə Antalyanın Muratpaşa rayonunun bələdiyyə sədri Ümit Uysal namizədliyini geri götürüb.
Beləliklə, bu posta yeganə namizəd partiyanın hazırkı sədri Özgür Özəl olacaq.
Qurultayda 1368 nümayəndə partiya sədrindən əlavə, 60 nəfərlik Partiya Məclisi (PM) və Yüksək Nəzarət Komissiyasının (YDK) üzvlərini də seçəcək.
Qeyd edək ki, Özgür Özəl 2023-cü ilin noyabrında keçirilən 38-ci Qurultayda nümayəndələrə pul qarşılığında səs verildiyinə dair iddialarla bağlı aparılan istintaqın nəticəsiz qalması fonunda fövqəladə qurultaya getmək qərarını açıqlayıb.
Özəl əvvəlki partiya sədrləri - Kamal Kılıçdaroğlu, Altan Öymen, Hikmət Çətin və Sosial Demokrat Xalqçı Partiyanın sabiq sədri Murat Karayalçını da qurultaya dəvət edib. Onların hamısının tədbirdə iştirak edəcəyi gözlənilir.
Əsas mübarizənin Partiya Məclisi (PM) üzvlüyü uğrunda olacağı güman edilir. CHP rəhbərliyi bu seçimin “çarşaf siyahı” üsulu ilə keçirilməsinə qərar verib. Bu zaman bütün uyğun namizədlər yarışa qoşulur və nümayəndələr onlardan seçim edirlər.
Bununla yanaşı Özgür Özəlin də öz komandasını əhatə edən “açar siyahı” təqdim edəcəyi gözlənilir. Bu siyahı qeyri-rəsmi olsa da, nümayəndələrə istiqamətverici rol oynayır.
Partiya Məclisində köklü dəyişiklik gözlənilmir. Lakin bəzi təcrübəli siyasətçilərin və millət vəkillərinin yeni rəhbərlikdə yer ala biləcəyi vurğulanır. Özəlin partiya daxilindəki müxtəlif qrupları təmsil edən balanslı siyahı hazırlaya biləcəyi də ehtimal olunur.
** 23:58 (05.04.2025)
Aprelin 6-da Türkiyənin Cümhuriyyət Xalq Partiyası (CHP) növbədənkənar qurultayını keçirəcək.
Senzor.az yerli KİV-ə istinadən bildirir ki, qurultay Ankaradakı Nazim Hikmət Mədəniyyət Mərkəzində keçiriləcək.
Partiyanın hazırkı sədri Özgür Özəlin yenidən sədr postuna namizəd olacağı gözlənilir.
Bu arada daha iki nəfərin sədr postuna iddialı olduğu məlum olub. Onlar kimlərdir?
Ümumiyyətlə, qurultayda əsas nələr müzakirə olunacaq, ekspertlər hansı qərarların qəbul olunacağını gözləyirlər?
Yeri gəlmişkən, tədbirdə CHP-nin sabiq lideri Kemal Kılıçdaroğlunun da iştirak edəcəyi gözlənilir.
