Fransanın bir qrup vətəndaşı Baykonur kosmodromunun ərazisinə qanunsuz daxil olub.
Bu barədə "İzvestiya" qəzeti öz mənbələrinə istinadən məlumat yayıb.
Kosmodroma icazə sənədi olmadan girən dörd nəfər “Energia” daşıyıcı raketinin şəklini çəkmək istəyib, amma polis əməkdaşları bunun qarşısını alıblar.
"Shot" teleqram kanalının yazdığına görə, saxlanılanlar 26 yaşlı Alen Talamon, 22 yaşlı Siril Neo, 27 yaşlı Mari De Sant Eksüperi və 37 yaşlı Saşa Kolesadır.
Turistlər 112 "A" platformasının ərazisində istismardan çıxarılan sınaq stendində saxlanılıblar. Əcnəbilərə qarşı protokollar tərtib edilib.
