ABŞ-da humanitar proqramlar çərçivəsində olan bir neçə Ukrayna vətəndaşı ölkəni tərk etmək tələbi ilə səhvən elektron məktub alıb.
Bu barədə "Reuters" agentliyi xəbər yayıb.
Məktubda bildirilib ki, "əgər siz ABŞ-ı dərhal tərk etməsiniz, hüquq-mühafizə orqanları tərəfindən sizə qarşı tədbirlər görülə bilər, bu da sizin ölkədən çıxarılmanızla nəticələnəcək".
Neçə nəfərin elektron məktub aldığı bəlli deyil.
ABŞ Daxili Təhlükəsizlik Nazirliyi məktubların təsadüfən göndərildiyini və 2022-ci ildə Ukraynada tammiqyaslı hərbi əməliyyatların başlamasından sonra tətbiq edilən humanitar proqramın qüvvədə qaldığını bəyan edib. Onun çərçivəsində 240 min ukraynalı ABŞ-da hüquqi status alıb.
