Bu gün səhər saatlarında Bakı metrosunda qatarların yubanması halı baş verib, sərnişinlər bir neçə dəqiqə qatar gözləməli olublar.
Senzor.az "Bakı Metropoliteni" QSC-yə istinadən bildirir ki, buna səbəb "Dərnəgül" stansiyasında maşinistin monitorunda "qapıların bağlanmaması" işarə sisteminin işə düşməsi olub.
“Maşinist vaqon qapısını yoxladıqdan sonra idarəetmə sistemində yanlışlıq göstərdiyi üçün əlavə texniki baxış keçirilməsi zərurəti yaranıb.
Xətdə hərəkətin təşkilinə maneə yaranmaması üçün həmin qatar digər - qatarların hərəkət etmədiyi stansiya yoluna keçirilib. Qatara əlavə baxış keçirilib və proqram təminatı yenidən yoxlanılıb. Ümumən intervaldan əlavə 4 dəqiqə yubanma yaranıb.
Qatar baxış keçirildikdən sonra hər hansısa problem müəyyən olunmadığı üçün yoluna davam edib", - deyə məlumatda bildirilir.
