İraqın şimalında 11, Suriyanın şimalında isə 5 PKK/YPG terrorçusu olmaqla, ümumilikdə 16 terrorçunun zərərsizləşdirilib.
Bu barədə Türkiyənin Milli Müdafiə Nazirliyi məlumat yayıb.
Nazirliyin sosial media hesabından edilən açıqlamada “Gücünü soylu millətimizdən alan Türk Silahlı Qüvvələrimiz terrorçulardan təmizlənməsini ara vermədən davam etdirir. Qəhrəman Türkiyə Silahlı Qüvvələrimiz tərəfindən İraqın şimalındakı Asos, Hakurk və Qara bölgələrində müəyyən edilən 11 PKK terrorçusu, Suriyanın şimalındakı Fərat Qalxanı bölgəsində isə 5 PKK/YPG terrorçusu zərərsizləşdirilib. Bölgədə bir nəfər də olsun terrorçu qalmayana qədər əməliyyatlarımız qətiyyətlə davam edəcək”, - deyə məlumatda bildirilir.
