İsmayıllı rayonunda ağır yol qəzası baş verib.

Senzor.az bildirir ki, hadisə rayonun Təzəkənd kəndində qeydə alınıb.

DİN-in Mətbuat Xidmətinin Şəki regional qrupundan bildirilib ki, avqustun 20-də saat 19 radələrində “Mercedes" markalı avtomobilin idarəetmədən çıxaraq yolun kənarına aşması nəticəsində 1959-cu il təvəllüdlü Məsarif Rüstəmov ölüb, Camal Zeynalov, Elnur Bayramov və Valeh Məmmədov xəsarət alıblar.Onlar  İsmayıllı Rayon Mərkəzi Xəstəxanasına aparılıblar.

Faktla bağlı cinayət işi başlanılıb.