İraqın Baş naziri Əli əl-Zeydi oktyabrın 14-də Səudiyyə Ərəbistanına səfər edəcək.
Bu barədə “Shafaq News” öz mənbələrinə istinadən məlumat yayıb.
Qeyd olunub ki, İraqın neft naziri Basim Məhəmməd Xudeyr qarşıdakı danışıqların gündəliyini hazırlamaq üçün artıq Səudiyyə Ərəbistanındadır.
Məlumatda həmçinin bildirilib ki, İraq hökumətinin başçısı daha sonra Küveytə gedəcək. İyul ayına planlaşdırılan əvvəlki səfər Səudiyyə Ərəbistanının İraq ərazisindəki bir sıra hədəflərə zərbələrindən sonra təxirə salınmışdı.
Həmin hücumlar nəticəsində İraqın “Əl-Həşd əş-Şəabi” şiə silahlı birləşməsinin 20 üzvü həlak olmuş, 30-dan çoxu yaralanmışdı.
Onu da qeyd edək ki, tərəflər qarşıdakı səfərlə bağlı hələlik rəsmi açıqlama verməyiblər.
