İspaniyanın Kataloniya muxtar vilayətinin sabiq rəhbəri Karles Puçdemon İtaliyada həbs olunub.
“Euronews” bildirir ki, Avropa Parlamentinin sabiq üzvü Sardiniyada Alqero şəhərinin hava limanında saxlanılıb.
K.Puçdemona Avropada həbs qərarı 2019-cu ildə verilib.
Yaxın bir neçə gün ərzində İtaliya hökuməti K.Puçdemonun İspaniyaya təhvil verilib-verilməməsi barədə qərar çıxarmalıdır.
Xatırladaq ki, Kataloniya vilayətinin İspaniyadan ayrılmasını tələb edən Karlos Puçdemon 2017-ci ildə regionda referendum keçirməyə cəhd göstərmişdi.
Nəticədə İspaniya hökuməti onu üsyan və qiyamın təşkilində, həmçinin dövlət vəsaitlərinin israf edilməsində ittiham etmişdi.
İspaniya qanunvericiliyinə görə, bu ittihamlar üzrə 30 ilədək həbs cəzası nəzərdə tutulur.
