Böyük Britaniyanın paytaxtı Londonda metropolitendə yanğın baş verib.
Trend-in məlumatına görə, yanğın Londonun mərkəzində yerləşən "Vestminster" stansiyasında qeydə alınıb.
Yanğının qarşısının alınması üçün 6 yanğınsöndürən maşın və 40 xilasedici cəlb olunub.
Qeyd olunur ki, hadisənin qarşısı qısa müddət ərzində alınıb. Xəsarət alanların olmadığı deyilir.
London metrosunun "Vestminster" stansiyası parlamentin yaxınlığında yerləşir.
