Gürcüstanın Batumi şəhərində İaşvili adına ana və uşaq xəstəxanasında palataların birində asma tavan uçub.“Report” xəbər verir ki, gecə saatlarında baş verən hadisə zamanı palatada 4 uşaq olub.
İnsident zamanı xəsarət alan olmayıb. Uşaqların valideynləri xəstəxanaya polis çağırıblar.
Klinikanın rəhbərliyindən bildirilib ki, hadisənin səbəbi araşdırmalardan sonra məlum olacaq.
Batumi meriyası və Fövqəladə Halların İdarə Olunması Xidmətinin nümayəndələri xəstəxanaya baş çəkiblər.
Senzor.az xatırladır ki, bundan əvvəl Batumidə yeddimərtəbəli yaşayış binasının bir bloku çökmüş və nəticədə üçü azyaşlı olmaqla 9 nəfər sakin həlak olmuşdu.
