Qubanın Qrız Dəhnə kəndi ərazisində torpaq sürüşməsi qeydə alınıb.APA-nın verdiyi məlumata görə, 50 hektar ərazini əhatə edən sürüşmə zonası dağlıq ərazidə baş verib. Sürüşmə zonasının əhatəsi genişlənir və kəndə doğru yaxınlaşır.
Quba Rayon İcra Hakimiyyətindən başçısı Ziyəddin Əliyev və Fövqəladə Hallar Nazirliyi əməkdaşları hadisə yerinə baxış keçiriblər. Sürüşmənin aktivliyi nəzərə alınaraq 10 ailə evlərindən köçürülüb.
Ərazidə müvafiq qurumların əməkdaşları tərəfindən növbətçilik təşkil olunub. Sürüşmənin aktivliyi nəzərə alınaraq müvafiq qərar qəbul olunacaq.
