Bu gün dövlət ümumi təhsil müəssisələrində çalışan müəllimlərin iş yerinin dəyişdirilməsi müsabiqəsinin vakansiya seçimi mərhələsinə başlanılıb.
Senzor.az bildirir ki, bu barədə İnsan Resursları Mərkəzi məlumat yayıb.
Qeyd olunub ki, müsabiqə qaydalarına əsasən, vakansiya seçimi ilkin olaraq şəhid ailəsi üzvləri üçün aktivləşdirilib.
Müsabiqə üzrə qeydiyyatdan keçmiş və elektron ərizəsi təsdiq olunmuş şəhid ailəsi üzvləri 25 aprel saat 11-dən etibarən şəxsi səhifələrinə daxil olaraq müvafiq vakant yer seçiminə başlayıblar. İlkin vakansiya seçimi 27 aprel saat 11-dək davam edəcək.
Qeyd edək ki, növbəti mərhələdə isə digər müsabiqə iştirakçıları üçün vakansiya seçimi mərhələsi həyata keçiriləcək.
