Türkiyə Xarici İşlər Nazirliyi Benyamin Netanyahunun Qəzzanı tamamilə nəzarətə götürmək planını pisləyib.
"Anadolu" agentliyi xəbər verir ki, bu barədə Türkiyə XİN bəyanat yayıb.
"Bölgəmizdə davamlı sülhün bərqərar olması yalnız beynəlxalq hüququn aliliyi, diplomatiyanın üstünlüyü və fundamental insan haqlarının qorunması ilə mümkün olacaq", - deyə bəyanatda qeyd olunub.
Türkiyə XİN Qəzzada atəşkəs elan olunmasına və iki dövlətli həll yolu istiqamətində müzakirələrə başlanılmasına çağırıb.
Xatırladaq ki, bu gün İsrailin hərbi-siyasi kabineti Baş nazir Benyamin Netanyahunun təklif etdiyi Qəzzanın bütün ərazisini nəzarətə götürmək və Fələstin anklavında əməliyyatı genişləndirmək planını təsdiqləyib.
