ABŞ Dövlət Departamenti Fələstin Prezidentinə və digər rəsmilərə gələn ay BMT Baş Assambleyasının iclasında iştirak etmək üçün viza verməkdən imtina edib.
Senzor.az bildirir ki, bu barədə məlumat Dövlət Departamentinin saytında dərc edilib.
Məlumata görə, bu barədə göstəriş birbaşa ABŞ dövlət katibi Marko Rubio tərəfindən verilib.
Səbəb kimi isə Fələstin rəsmilərinin “zorakılıq və anti-semitizmi təbliğ etmələri, eləcə də terrorçulara maddi dəstək vermələri” göstərilib.
Məlumatda o da qeyd olunur ki, Fələstin Azadlıq Təşkilatı və administrasiya "öz öhdəliklərini yerinə yetirəcəyi, İsrail Dövləti ilə dinc yanaşı yaşamaq və kompromis yoluna qayıtmaq üçün konkret addımlar atacağı" təqdirdə Vaşinqton təkrar əməkdaşlığa açıqdır.
