"Qarabağ" komandası UEFA Çempionlar Liqasının əsas mərhələsində ev oyunlarını Tofiq Bəhramov adına Respublika Stadionunda keçirəcək.
Senzor.az bildirir ki, bu barədə məlumat UEFA-nın rəsmi saytında yer alıb.
Orada Ağdam təmsilçisinin rəqiblərinə qarşı ev matçlarının keçirəcəyi stadion olaraq Tofiq Bəhramov adına Respublika Stadionu göstərilib.
Qeyd edək ki, Liqa mərhələsində "Qarabağ"ın səkkiz rəqibi olacaq. Bunlar "Çelsi" (evdə), "Liverpul" (səfərdə), "Ayntraxt" (evdə) "Benfika" (səfərdə), "Ayaks" (evdə), "Napoli" (səfərdə), "Kopenhagen" (evdə) və "Atletik Bilbao" (səfərdə) klublarıdır.