ABŞ Prezidenti Donald Tramp 2028-ci il prezident seçkiləri üçün öz varisini hazırlayır və bu məsələni məsləhətçiləri ilə tez-tez müzakirə edir.
Bu barədə “Axios” mənbələrinə istinadla məlumat yayıb.
Nəşrin yazdığına görə, Tramp tez-tez 2028-ci ildə Respublikaçılar Partiyasının prezident namizədləri siyahısına kimin rəhbərlik edəcəyi sualını qaldırır. ABŞ lideri hesab edir ki, bu vəzifə üçün ən yaxşı namizədlər vitse-prezident Ceyms Devid Vens və dövlət katibi Marko Rubiodur.
Mənbənin fikrincə, Tramp Vensə üstünlük verir, amma həm ictimai, həm də özəl şəkildə Rubionu da tərifləyir.
ABŞ Prezidentinin məsləhətçisi “Axios”a deyib: “Vens-Rubio - 2028-ci il üçün prezidentin ideal tandemi. Amma bəllidir ki, siyahıya Vens rəhbərlik edəcək”.
Ceyms Devid Vensin siyasi məsləhətçiləri var, 2028-ci il seçkilərində namizəd olarsa, əvvəlcədən tam hazırlıqlı olacaq. Rubionun isə belə bir infrastrukturu yoxdur, mənbələrə görə, özü də şəxsən Vensə bildirib ki, Vensin namizədliyi onu qane edir.
