İranda müxalifətlə əlaqəli daha iki nəfər terrorizm ittihamı ilə edam edilib.

"Tasnim" xəbər agentliyinin məlumatına görə, müxalif İran Xalq Mücahidləri Təşkilatının üzvləri Əbolhəsən Montazer və Vəhid Bani-Amaryanı edam olunublar.

Onların ölüm hökmü Ali Məhkəmə tərəfindən təsdiqləndikdən sonra Tehranda icra olunub. Cəzalandırılan şəxslərin paytaxtda silahlı hücumlar və partlayışlar törətdiyi, həmçinin qruplaşmanın maliyyələşdirilməsi və gizli fəaliyyətinin təşkilində iştirak etdiyi qeyd edilib.

Onlar növbəti hücuma hazırlaşarkən saxlanılıb və məhkəmə tərəfindən silahlı üsyan, milli təhlükəsizliyə qarşı sui-qəsd və terror fəaliyyətlərində təqsirli biliniblər.