İran ABŞ Prezidenti Donald Trampın İranın hərbi-dəniz blokadasına dair bəyanatları səbəbindən ABŞ ilə danışıqların növbəti raunduna hələ razılıq verməyib.
Bu barədə İran KİV-i məlumat yayıb.
"Trampın İranın hərbi-dəniz blokadası barədə bəyanatı, həmçinin danışıqlar zamanı amerikalıların tələblərinin həddindən artıq çoxluğu səbəbindən İran danışıqların növbəti raunduna hələ razılıq verməyib", - mənbə bildirib.
Onun sözlərinə görə, Vaşinqtonun şişirdilmiş tələblərdən imtina etməsi danışıqların davam etdirilməsi üçün ən vacib şərtdir. Əks halda, "İran yorucu və faydasız danışıqlara vaxt sərf etməyəcək".
Mənbə onu da əlavə edib ki, bu barədə "İran pakistanlı vasitəçilər üzərindən ABŞ tərəfini məlumatlandırıb".
