Kahramanmaraş və Şanlıurfada məktəblərə hücumlardan sonra sosial şəbəkədə təhdid xarakterli məzmunlar paylaşan hesablara qarşı hüquqi prosedur başlanılıb.

Senzor.az bildirir ki, bu barədə Türkiyə KİV-i məlumat yayıb.

Qeyd olunub ki, sözügedən hesab sahiblərindən ümumilikdə 25-nin barəsində saxlanılma qərarı verilib: "Hazırlanan hesabatlarda adları keçən və 13-ü 18 yaşdan kiçik olan 25 şübhəli barəsində "əhali arasında qorxu və çaxnaşma yaratmaq məqsədilə hədələmə" və "xalqı kin və düşmənçiliyə təhrik etmə və ya aşağılama" ittihamları çərçivəsində istintaq aparılır”. 

Açıqlamalarda şübhəlilərdən 20 nəfərin İstanbuldan kənarda yaşadığı barədə nüans da vurğulanıb.