İtaliyanın Baş naziri Corciya Meloni rusiyalı televiziya aparıcısı Vladimir Solovyovun təhqiramiz şərhlərinə cavab verib.

Senzor.az yerli KİV-ə istinadən bildirir ki, bu barədə o, “X” səhifəsində yazıb.

“Təbiətcə rejimin çalışqan təbliğatçısının nə ardıcıllıq, nə də azadlıq dərsi verməyə haqqı var. Amma bu karikaturalar kursumuzu dəyişməyə vadar etməyəcək. Başqalarından fərqli olaraq, biz heç kimdən asılı deyilik, ağamız yoxdur və əmr qəbul etmirik. Bizim yalnız bir istiqamətimiz var: İtaliyanın maraqları. Və biz dünyanın hər yerindən olan təbliğatçıların etirazlarına baxmayaraq, bunu qürurla izləyəcəyik”, - o bildirib. 

Qeyd edək ki, Solovyov öz verilişində Meloniyə qarşı təhqiramiz ifadələr işlədib, onu seçicilərinə xəyanət edən faşist məxluq və axmaq adlandırıb. Bu səbəbdən Rusiyanın Romadakı səfiri Aleksey Paramonov İtaliya XİN-ə çağırılıb və Solovyovun ifadələri ilə bağlı ona rəsmi etiraz bildirilib.