“Çox yaxşı xəbər! Mənə bu gecə İranda edam ediləcək səkkiz qadın etirazçının artıq öldürülməyəcəyi barədə məlumat verildi. Dörd nəfər dərhal azadlığa buraxılacaq, dörd nəfər isə bir aylıq həbs cəzasına məhkum ediləcək”.

Senzor.az yerli KİV-ə istinadən bildirir ki, bunu ABŞ prezidenti Donald Tramp öz “Truth” hesabında yazıb.

Tramp ABŞ prezidenti kimi xahişinə hörmətlə yanaşdıqlarına və planlaşdırılan edamı ləğv etdiklərinə görə İran və onun liderlərinə təşəkkür etdiyini bildirib.

Qeyd edək ki, bundan əvvəl ABŞ Prezidenti İranda səkkiz qadının edam ediləcəyi ilə bağlı məlumat vermiş və İran hökumətindən qadınların edam edilməsinin ləğvini istəmişdi.

İran hökuməti isə öz növbəsində bu xəbəri təkzib etmişdi.